شخصيات من الكتاب المقدس

من طرف **GIGI** 2009-12-12, 12:44 am

هانلعب مع بعض لعبه حلو هتساعدنا فى دراسة الكتاب كل واحد يدخل يقول اسم شخصية عجبته فى الكتاب المقدس ويقول بعض من صفاتها او يقول ملخص سريع عن حياتها

انا هابتدى

انا بحب شخصية داود النبى جدا

ليه صفاته كتيره هاقول بعض منها وهاقول موقف على كل صفه :

1- ايمانه بربنا: قوى وليه مواقف كتيره منها حربه مع جليات

2- خوفه من ربنا: لما قالوله يقتل شاول فى المغاره رد عليهم وقال

حاشا لي من قبل الرب ان امد يدي الى مسيح الرب (1صم 26 : 11)

3- الصداقه : صداقة داود مع يوناثان

4- محبته لاعدائه: (رثاء شاول بعد موته)

5- عمل المعروف مع اعدئه: و قال داود هل يوجد بعد احد قد بقي من بيت شاول فاصنع معه معروفا من اجل يوناثان (2صم 9 : 1)

6- تواضعه: قال داود لشاول اثناء مطاردته ليه

فسجد و قال من هو عبدك حتى تلتفت الى كلب ميت مثلي (2صم 9 : شخصيات من الكتاب المقدس Icon_cool

7- صبره واحتماله على كل التجارب: وثقته فى ربنا انه هايكون معاه و الصفه ده هنلاقيها فى حياة داود كلها:

فى البدايه كان مضطهد من شاول وقعد فتره كبيره وشاول خد امرأة داود وجوزها لواحد تانى وهنلاقى ربنا ماسبش داود وحماه وخلى يوناثان يحزره من شاول وبعد كده ربنا ريح داود وشاول مات وداود ملك على كل اسرائيل وبعد فتره هنلاقى معاناة داود مع ابنه وازاى ابنه اضطهده علشان يا خدوا الملك منه وهرب داود من قدام ابنه وابنه كان بيطارده بصراحه انا داود صعبان عليه فى كل اللى بيحصله ده بس ربنا ماسبش داود علشان داود كان دايما مع ربنا وبرضه خلصه من ابشالوم ابنه

8-حياة الترانيم: ورغم كل اللى حصل مع داود ده الا انه كان دايما يصلى ويسبح ربنا وكتبلنا سفر المزامير الرائع وانا سمعت قبل كده فى عظه ان كل مزمور من المزامير ده كتبها داود فى مواقف معينه من حياته

حياه داود مليانه صفات كتير بس انا حاولت اقول ملخص صغير عنها وهاختم بأيه اتذكرت فى العهد الجديد:

و اقام لهم داود ملكا الذي شهد له ايضا اذ قال وجدت داود بن يسى رجلا حسب قلبي الذي سيصنع كل مشيئتي (اع 13 : 22)

ياريت كلوا يدخل ويقول شخصية من الكتاب ويقول ملخص عنها