استغمايه..! "بقلمى"

من طرف **totti** 2011-07-03, 2:38 am

eStO3`OmAyA
by..me
tadres sala7

فاكرين لما حاكيتلكوا حكايه الساحر والقبطان؟
اللى

كان عايش فى بلده وسط اهله وناسه بس فى يوم قرر يطلع رحله هو واصدقائه لبلد معينه
وركبوا مركب السفر ومشيوا فى البحر بيه
وبعد مرور ايام على رحلته فى البحر.................(المركب تاه!!!!!) بعد ما قرر ان هو اللى يقود المركب بتاعته مش القبطان(ابوه)

وفى وسط وحدته قرر يكتب رسايل للناس ويبعتها فى زجاجات مغلقه عن طريق البحر
والرساله اللى يبعتها هى ونصيبها تروح البلد اللى الموج يوصلها عندها
وفى بلد الشطبى وصلت الرساله رقم 5
وكان عنوانها

[size=25]استغمايه..!!

كان حلمى زمان
انى عمرى ما ابعد عن الناس الى بحبهم..!
كنت بفرح اوى ولما بكون جنبهم..!
كنت بزعل لما ببعد عنهم..!
اصل كنت دايما بلعب وسطهم

بس ده زمان

اصل الحياه مشوار فى اى لحظه ممكن ينتهى........
وانا فى مشوارى اتحديت ..............
ومشيت
وسبت اهلى
ونسيت..
وفوق ده كله ...
ل وحدتى اتحديت...

نفسى توصل مركبى
وحشنى اهلى وناسى وصحبتى

لو عارف ان البحر بالعمق ده ماكنت ابحرت... !!
لو انى اعرف النهايه دى ما كنتش بدات ...!!

انا مش لوحدى فى العالم ده..بس فى عالم انا وحدى فيه..
ها بقى..عايزينى اكلمكوا ب وجه صامت ولا بكلمات من غير حروف!!؟

وانا لوحدى
حسيت
بالملل
بالتعب
باليأس
بالشوق
بالخوف...

بس اقترح الابداع عليا اقتراح
وفكرنى بلعبتى..
اصل كنت خلاص قربت ازهق من وحدتى..!

...

اللعبه دى كانت استغمايه
وصرخ الجنون: انا الى هابتدى....

أنا الى هايغمض عينيه كل واحد فيكوا عليه انه يختفى...

وحط الجنون ايده..على شجرة..
وابتدا العد وابتادت اللعبه...

واحد... اثنين.... ثلاثة....

وبدأت انا الصفات نجرى ونختفى...

لقيت الرقة مكانهاا فى القمر..!!

وجريت الخيانة واختفت فى صندوق زباله..!!

وراح الولع استخبى... بين غيوم السما..!!

كل ده والجنون كان بيعد...

وراح الشوق كمان استخبى فى باطن الأرض...!!

الكذب قال بأعلى صوت: انا هاتلاقونى تحت الحجارة
بس راح استخبى فى قاع البحر..!! هيه! يا خساااااااره

واستمر الجنون: تسعة وسبعون... ثمانون.... واحد وثمانون..

وفى الوقت ده كنت انا وكل الصفات اختفينا... ماعدا الحب مارضيش يعمل زيينا...!

زى عادته.. مكنش صاحب قرار... عشان كده ماعرفش يختفى عن الانظار ..!

ودى ماكنتش مفاجأه لحد... احنا كلنا عارفين قد ايه ان الحب صعب يختفى بجد!!!!..!.....
تابع الجنون: خمسة وتسعون....... سبعة وتسعون....

ولما وصل الجنون فى العد ل 100

جرى الحب ونط وسط الورد..
واختفى لما كان قرب الجنون يبطل عد
..

فتح الجنون عيونه.. ويقول بصوت مش واطى
انا هاعرفكم وانا واقف مكانى!

الكسل كان اول حد يشوفه..اصله مابعدش كتير

ولقى الرقه فى القمر..

وبعدها.. طلع الكذب من قاع البحر
بس
مقطوع النفس ... !!

وشاور على الشوق عشان يرجع من باطن الأرض...
ماهو اصله خلااااااااااااااااص
خلص عد!

لقيهم الجنون واحد ورا واحد"......

ماعدا الحب...الى كان فى شجر الورد!

كان الاحباط قرب منه..واليأس كان واقف جنبه!

بس الحسد مارضيش
قال اشمعنى انا والباقيين ظاهريين والجنون للحب مايلقيش ،،،

وهمس فى ودنه همسه:

كان عنوانها
الحب جوه الشجره..

الحب جوه شجره الورد...
سيبك بقى من كل حته ع الارض..
وركز فى شجر الورد..

مسك الجنون العصا..وبدأ بجنون يضرب فى الورد

اصله كان عايز الحب يظهر ع الارض

فجأه سمع صوت بكى
صوت صراخ
صوت بيقول: نور عينى راح...

ظهر الحب ماسك عينيه.. والدم نازل من بين ايده...

صرخ الجنون بندم": انا عملت للحب ايه!
عميت الحب؟.. انا عميت الحب

بس سأل الحب سؤال
كان ندمان
وبيبكى وحيران!

اعمل ايه دلوقت..!
ازاى ارجعلك نظرك ونور عينك الى راح؟

رد الحب وقاله: مش هاتقدر تخلينى اشوف من تانى... بس فى حاجه ممكن تعملها عشانى

كن دليلى.....................................

وده الى حصل من سعتها....
يمضي الحب الأعمى... يقوده الجنون

فوقفت اللعبه

وقعدت الوم كل واحد كان فيها..

لومت الابداع لانه كان السبب!
قولتله
ازاى تقول على لعبه تسبب غضب..
قالى
انا مكنتش اعرف!
وبعدين ما انت كنت اول حد يهرب!
جريت وبعدت لما صرخ الجنون وقال انا هابدأ بالعد!

الجنووووووووووووووووووووووون!

ايوه صح فكرتنى
انت السبب لانك حماستنى!
اول ما الابداع قال استغمايه!
جريت انت على الشجره وحبيت الحكايه!
بس رد الجنون وقالى
يعنى كنت هاعمل ايه!
انا حبيت الفكره
قولت ماهما هايحصل...........دى فى الاخر بردو لعبه!
وبعدين انت بتلومنى انا! روح شوف الى جرى عشان يستخبى!
مع انه كان عارف ان دى مجرد لعبه!!!!

بصيت للرقه وسألتها
وانا خايف منها..!
وانا مكسور زيها..!
...........بعدتى ليه عنهم؟
وقولتلها بصوت... كان حتته حزن فيه..!
على فكره انا عن نفسى اتوقعت انك تكونى فى المكان الى انتى روحتى ليه!

صررررررررررخ الجنون
وقال
سمعتك!!
طب مانا كمان عرفتك!

دورت على كل واحد فى المكان الى ممكن الاقيه فيه!

بصيت للخيانه
وقولتلها
و انتى مالقتيش غير كومه الزباله!
سكتت بس ردت!

ايوه ماتستغربوش!
سكتت بصوتها لكن ردت بعنيها!
قالت كلام كتيييييييييييييييير " انا عن نفسى كنت بعد"
وهى لما خلصت لقيتها بصت فى الارض!

سبتها وروحت للشوق و الولع
وقعدت اقولهم
انتوا مالقتوش غير الغيوم السما وبطن الارض؟
رد الولع وقال
ده مكانى
والشوق
قال
كان لازم انزل لبطن الارض
اى حته بعيده
قبل ما الجنون يخلص عد!

جبت الكدب وقولت احاسبه! هيهههه
بس يا ريت ماكنت سألته!
اول حاجه قولت تعال
قالى انا مش الكدب! مش هاجى
الكدب واقف جنبى!

همست الصراحه وقالتلى
لا هو الكدب انا "الصراحه" بس هو بيكدب!

فزعلت انه بيكدب
ولومته على كدبه
بس لقيته بيقولى
انت ايه الى مزعلك!
اذا كنت انا ساعات بسترك!
قولتله.....
امتى ده انا اصلاااااااااا بأستخدمك؟!

ضحك وقالى....
ابسط مثال
لما كنت خايف لا الحب يكشفك!
لما بعدت وهربت وسبت الحب يختفى بعيد عنك!
خفت حتى تاخده معاك
مع انك عارف انه صاحب قرارين
كان ممكن مايعرفش يروح فين!
بس فى اخر لحظه قرر يختفى!
ومع ذلك سألك الجنون عن الحب وانت قولتله ماعرفش فين!
قالك طب انت """"""خايف""""" احسن يتكشف؟
قولتله
لا !!!!!!!!!!!!!!!!!!!!!!!!!!!
مع انى كنت """"انا"""" و"""""الخوف"""""" جواك!!!

عرفت بقى ان انا ستر وغطا عليك!
عرفت ان انا ساعات كتييييييييييييييير بحميك!

صرخت فيه بأعلى صوت وقولتله
اسكت!
ما انت فى الاخر
مووووووت!
فى حد يموت نفسه فى لعبه!!!!

بص للارض وسكت

...................
كده ما بقيش غير الحب!
فكرت الومه

قبل ما الومه لقيته بيقولى
بعدت ليه وسبتنى!
كان ممكن تخلينى معاك و اختفى!
قولتله وانا بضحك
انت زعلان منى!!
انا لقينى الجنون قبلك
الحب
ياريت كان لقينى جنب منك!
اصل لو الحب كان اتكشف فى البدايه!
مكنش حد هايفكر يكمل لعبه الاستغمايه!

............

وفى الاخر
بعد ما خلصت
لقيت الندم طالع يجرى ناحيه بدايه اللعبه
وصرخ بألعلى صوته
الله
سقط الكل ع الارض واستغربوا!
ومشيت انا ناحيته....
سألته
انت كنت فين؟
قالى انا كنت جوه كل واحد فيكوا!
واللعبه دى بالزات دايما انا الى بكون كسبان
وكل واحد فيكوا لازم فى اخرها يكون خسران و حيران

بس انا قولتله على فكره انت دايما كده تيجى متأخر!
انا- خلاص وقفت اللعبه!!!!!!!!!!!!!!!!!!!!!!!

الساحره عرف عقله عايز يقوله ايه...
يا رب انتوا كمان تكونوا فهمتوا الساحر بعقله كان يقصد ايه..!

وفى النهاييه كالعاده رجع وقال بس بعد ما فهم الكلام
ولحد لما يجى القبطان انا هاقعد هنا ع الجزيره المجهوله دى ابعت فى رسايل فى زجاجات وارميها فى البحر وفى كل رساله هاكتب اخرها

انا اسف يا قبطان
لعلها تصل يوما ليد القبطان
بس بعد ما فهم الكلام

ب
ق
ل
م
ى

انتظروا الرساله القادمه من الساحر المجهول

اذكرونى فى صلواتكم
totti

eStO3`OmAyA