تفسير الصلاة الربانيه لمرحلة الطفولة

من طرف Dr.Ayman 2010-01-12, 1:16 pm

الصلاة الربانية لمدارس الاحد

فى يوم سأل التلاميذ الرب يسوع أن يعلمهم اذى يصلوا ( ده مش معناه انهم مكانوش بيصلوا لكن عايزين يتعلموا يصلوا صلاة حارة قوية ذى اللى بيشوفوا الرب يسوع بيصليها ) ، فقالهم لما تيجوا تصلوا قولوا أبانا الذى فى السموات . شفوا قدايه محبة ربنا لينا بيقولينا احنا المؤمنين بيه قولولى يابابا واحنا مانستحقش لان احنا كنا عبيد للخطية ولكن بصلبه على عود الصليب حررنا من الخطية والمفروض ان نكون عبيد ليه هو ولكن ربنا علشان بيحبنا قال قولوا ابانا الذى فى السموات ، طيب اشمعنا السما ! هو مش ربنا فى كل مكان ! صحيح ربنا فى كل مكان لكن عاوز يخلى عينينا دايما للسما اللى صعد اليها رب المجد يسوع بعد القيامة بكام يوم ..... شاطرين 40 يوم ووعد انه هيجى من السما ذى ماصعد علشان ياخدنا احنا المؤمنين به يودينا المكان اللى عده لينا هناك . ليتقدس اسمك : طبعا ربنا قدوس ولكن احنا لما بنعمل حاجه غلط الناس بيقولوا شفوا المسيحين بيعملوا ايه وبنتسبب فى ان اسم ربنا يتهان بسببنا فبنقول لربنا انت القادر يارب ياقدوس ان تجعلنا قديسين فيمجد الناس اسمك القدوس لما يشفونا . ليأتى ملكوتك : يارب أنت جيت وفديتنا وملكت على خشبة الصليب وكسرة شوكت الموت ندعوك يا الهنا أن تملك على قلوبنا وكل حياتنا وبنطلب منك يا الهنا أنك تيجى بسرعة ذى موعدت وتقضى على كل قوى الظلام والشر علشان يسود السلام ويملى حياتنا ونفرح بملكوتك علينا الى ابد الابدين . لتكن مشيئتك كما فى السما كذلك على الارض : يا رب احنا وثقين ان مشيئتك دايما للخير بنترجاك يارب انك تدينا ان تكون مشيئتنا ذى مشيئتك وان نكون دايما خاضعين لمشيئتك المقدسة ذى مالسما ايضا وكل مافيها خاضعة ليك . خبزناالذى للغد اعطينا اليوم : أعطينا يارب أن لا نهتم بمعيشتنا اليوميه من الاكل والشرب واللبس لاننا نثق يارب انك بتهتم بينا حتى ولو مطلبناهاش وأجعل كل اهتمامنا ان نطلب الغذاء الروحى الذى هو كلمتك المحييه وأعطينا ان نكون مستحقين ان ناكل من شجرة الحياة الذى هو جسد ربنا يسوع المسيح ودمه المقدس . وأغفر لنا ذنوبنا كما نغفر نحن أيضا للمذنبين الينا : اعطينى يارب أن اسامح اللى بيغلط فى بالباطل متشبه بيك لما غفرت لصالبيك علشان ننول وعدك الامين بانك هتسامحنا لو احنا سامحنا اللى بيغلط فينا. ولا تدخلنا فى تجربة لكن نجينا من الشرير : يارب احنا أضعف من ان نتحمل تجارب الشيطان نرجوك يارب متسمحلوش يجربنا ولو سمحتله متسبناش ندخلها لوحدينا أنت وعدتنا أنك تكون معانا كل وقت تساعدنا وتثبتنا وتقوينا على تحمل التجربة . بالمسيح يسوع ربنا : يارب انت قلت ان اى طلبة او صلاة نطلبها بأسمك بتحققها .

لان لك الملك والقوة والمجد إلى الأبد آمين اغنسطس بولس

من طرف **GIGI** 2010-01-12, 11:51 pm

شكرا يا دكتور على الموضوع اكيد هانحتاجه فى مدارس الاحد بس انا عندى سؤال ما هو التعبير الصحيح :
خبزنا كفافا اعطينا اليوم( ومعناها البسيط اعطينى اللى يكفى النهاردة بس والواحد مش هايفكر فى بكرة لانه واثق فى ربنا اكيد هايبعتله احتياجه يوم بيوم )
ولا
خبزنا الذى للغد اعطينا اليوم

من طرف Dr.Ayman 2010-01-13, 12:30 am

شكرا لمرورك يا جى جى
اللفظين صح ولكن الفكره فى المعنى الروحى اننا لا نطلب الخبز الجسدى فقط وده اللى بيفهمه الناس بقول خبزنا كفافنا ولكن بنطلب ايضا الغذاء الروحى
والكتاب بيقول ليس بالخبز وحده يحيا الانسان
فالقصد بالكفاف هنا الشبع الجسدى والروحى ايضا
اما قول خبزنا الذى للغد بينبه الذهن للغذاء الروحى لان الكتاب بيقول لا تهتموا بما للغد يكفى اليوم شره .. اذا عندما يدعونا السيد المسيح ان نطلب خبز الغد يقصد الخبز الروحى اللازم للابديه