دردشه الاجتماع الثالث لاعضاء الشطبى

من طرف **GIGI** 2010-02-27, 12:45 am

[21:07:57 26/02/10] @ admin_totti : ممكن نبدأ يا جماعة

[21:09:51 26/02/10] gigi : طيب ممكن تادرس يصلى

[21:13:19 26/02/10] @ admin_totti : بسم الاب والابن والروح القدس.........يارب احنا محتاجين تكلمنا النهاردة من خلال الاجتماع و تبارك فى خدمتنا و تقود افكارنا واتجاهاتنا

[21:13:25 26/02/10] @ admin_totti : امين

[21:13:36 26/02/10] mariam b : امين

[21:13:47 26/02/10] gigi : امين

[21:14:08 26/02/10] gigi : الفقره الاولى هاتقدمها مريم

[21:14:26 26/02/10] mariam b : انا كتبت الفقره

[21:14:51 26/02/10] mariam b : فى قسم الاجتماع الاسبوعى باسم قصه الاجتماع الاسبوعى الثالث

[21:15:07 26/02/10] mariam b : ياريت تقروها واعرف رايكوا فيها

[21:15:39 26/02/10] mariam b : وان كان فى حد عنده راى تانى غير المكتوب فى اخر القصه

[21:15:49 26/02/10] mariam b : او يضيف راى

[21:16:59 26/02/10] dr mamdouh : مساء الخير عليكم اسف على التاخير

[21:17:39 26/02/10] gigi : ولا يهمك تابع معانا

[21:18:27 26/02/10] mariam b : على فكره القصه من كتاب عين ماء للانبا مكاريوس

[21:20:53 26/02/10] Boss : مساء الخير

[21:21:02 26/02/10] Boss : انا اسف على التأخير

[21:21:33 26/02/10] gigi : مساء النور كل ده تأخير

[21:21:55 26/02/10] Boss : معلش كنت فى شغل

[21:23:25 26/02/10] gigi : القصه حلو خالص يا مريم

[21:24:30 26/02/10] dr mamdouh : ان الشيطان يستخدم كل وسيلة مهما كانت لكى يوقع بالانسان فى الخطية

[21:24:50 26/02/10] gigi : وبتورينا ازاى الشيطان ممكن يظهر فى اشكال كتيير وكمان يقدملنا خدمات فى الظاهر وهو يقصد بيها انه يوقعنا

[21:25:40 26/02/10] dr mamdouh : لذلك يجب علينا ان نفكر ونمتحن كل شئ

[21:27:00 26/02/10] gigi : ربنا يحمينا ونصلى دايما علشان نعرف نميز

[21:27:18 26/02/10] dr mamdouh : كما قال الاباء ان زينت كل الفضائل هى التمييز ولو كان الراهب متيقظا لكن علما انه شيطانا باعتراضه على الصلاة

[21:28:04 26/02/10] dr mamdouh : وكثيرا ما يوقعنا الشيطان فى خطايا لعدم سهرنا الروحى والاحتراس

[21:28:24 26/02/10] mariam b : ربنا يحمى اولاده

[21:28:43 26/02/10] gigi : ربنا يحمينا

[21:30:28 26/02/10] Boss : ربنا يحمينا من خدع الشيطان اللى ممكن يخدعنا مظهره

[21:31:06 26/02/10] mariam b : اكيد الاباء الرهبان يتعرضوا لكتير من محاربات الشيطان بالشكل ده

[21:34:01 26/02/10] mariam b : اتمنى تكون القصه عجبتكوا

[21:34:09 26/02/10] dr mamdouh : ان كانت يد الشيطان ممسكة بصولجان ليضرب به فى وجوهنا فيد المسيح الحانى يتلقاها فيجرح من اجلنا

[21:34:29 26/02/10] gigi : انا امانى ربنا يحمينا من حيل الشيطان اللى بيزين ليناالأشياء وبيوقعنا

[21:34:35 26/02/10] dr mamdouh : شكرا على القصة الحلوة

[21:35:08 26/02/10] Boss : وكمان بعض الخدام بيقعوا فى حيل الشيطان بانهم يقضوا وقتهم كله فى الخدمة وبيقعوا فى الفتور الروحى وبكدة بيكون الخدمة روتينية

[21:35:34 26/02/10] gigi : فعلا يا باسم معاك حق

[21:35:56 26/02/10] mariam b : فعلا

[21:36:06 26/02/10] gigi : وبسب كده ببكون سهل على الشيطان انه يخدعهم

[21:36:54 26/02/10] Boss : ربنا يدينا نعمة التمييز

[21:37:26 26/02/10] mariam b : ونعمه البصر قصدى البصر الروحى

[21:38:08 26/02/10] gigi : تحبوا نبدأ فى الفقره للى بعديها

[21:38:23 26/02/10] gigi : ولا لسه

[21:38:39 26/02/10] dr mamdouh : ممكن نبدا

[21:38:56 26/02/10] mariam b : اوك بس قبل مانبدا احب اشكركوا على كل التعليقات الحلوه اللى الواحد استفاد منها كتير

[21:38:58 26/02/10] Boss : نبداً

[21:39:16 26/02/10] gigi : بمناسبة الصوم المقدس قولنا نتكلم مع بعض على الصوم ونعرف ايه هى الاعتراضات على الصوم وازاى نرد عليها

[21:39:32 26/02/10] gigi : اعتراضات وهى

[21:39:54 26/02/10] gigi : 1- ان الصوم يكون فى الخفاء

[21:40:11 26/02/10] gigi : 2- اعتراض على الصوم الجماعى فيقولوا ان الصوم عمل فرى فيصوم الفرد متى شاء وكيفما شاء ولاسلطه للكنيسه ولا تدخل لها فى ذلك

[21:40:20 26/02/10] gigi : 3- اعتراض مواعيد الصوم المحدد

[21:40:33 26/02/10] gigi : 4- اعتراض على اكل الطعام النباتى منع الطعام الحيوانى

[21:40:43 26/02/10] gigi : وبيستندوا على الايات :

[21:40:55 26/02/10] gigi : 16- و متى صمتم فلا تكونوا عابسين كالمرائين فانهم يغيرون وجوههم لكي يظهروا للناس صائمين الحق اقول لكم انهم قد استوفوا اجرهم( متى 6: 17- 18 )

[21:41:08 26/02/10] gigi : 2- لا يحكم احد عليكم فى اكل او شرب او من جهة عيد او هلال او سبت التى هى ظل الامور العتيده واما الجسد فللمسيح ( كو2 :16 - 17 )

[21:41:21 26/02/10] gigi : 3- فى الازمنه الاخيرة يرتد قوم عن الايمان .... ما نعين عن الزواج وامرين أن يمتنع عن اطعمة خلقها الله لتتناول بالشكر ( 1 تى 4 : 1-3 )

[21:41:40 26/02/10] gigi : هنأخد اعتراض اعتراض ونرد عليه

[21:42:00 26/02/10] gigi : الاول الصوم فى الخفاء ومحدش يعرف انك صايم ويقول الايه متى 6: 16 -17

[21:42:08 26/02/10] gigi : هانرد نقول ايه

[21:42:49 26/02/10] dr mamdouh : الصوم اللى فى الخفاء هو الصوم الشخصى

[21:43:13 26/02/10] dr mamdouh : اللى ممكن الانسان يصومه لغرض معين

[21:44:09 26/02/10] dr mamdouh : اما اصوام الكنيسة فهى اصوام جماعية

[21:45:11 26/02/10] gigi : انا معاك فى اللى قولته

[21:45:12 26/02/10] dr mamdouh : الاباء الرسل كانوا بيصموا قبل اختيار متياس

[21:46:01 26/02/10] gigi : رد البابا شنوده على الموضوع ده وقال ان الصوم فى الخفاء خاص بالعباده الفرديه وليس بالعباده الجماعية علشان احنا عندنا النوعين من العباده زى الصلاه فيها الصلاه الفرديه اللى وصانا بيها ربنا وفى الصلاة الجماعية

[21:46:02 26/02/10] dr mamdouh : وصوم اهل نينوى والصوم اللى نادت بيه استير

[21:46:29 26/02/10] mira : والاباء الرسل كمان صامو كلهم قبل الخدمة وكمان صامو عشان يشوفو جسد العدرا تانى

[21:47:26 26/02/10] mira : قصد المسيح من الصوم فى الخفاء ان الواحد ميقعدش يفتخر انه صايم

[21:47:35 26/02/10] gigi : فعلا الامثله ده ذكرها البابا

[21:47:51 26/02/10] mira : او ياخد مديح من الناس عشان صومه

[21:47:57 26/02/10] mira : تمام

[21:47:58 26/02/10] gigi : وايوه يا ميرا معاكى حق

[21:48:03 26/02/10] mariam b : وكمان فىمعجزه نقل جبل المقطم صام قبلها بثلاثه ايام

[21:48:05 26/02/10] mira : تمام

[21:49:27 26/02/10] mira : الكنيسه لانها جسد واحد بنصوم كلنا لاننا اعضاء فيه فلازم يكون لينا اتجاه واحد وفكر واحد تابع لفكر المسيح

[21:49:28 26/02/10] dr mamdouh : وانت رايك ايه ىيا بوس

[21:49:35 26/02/10] gigi : علشان كده بنقوا يوجد صوم فردى فى الخفاء وده ما يمنعش الصوم العام علشان يشترك فيه كل المؤمنين

[21:50:00 26/02/10] mira : كلامك مظبوط يا جيهان

[21:50:09 26/02/10] Boss : انا معاكم فى الاراء دى

[21:50:34 26/02/10] gigi : حمدلله على السلامه يا باسم

[21:50:55 26/02/10] Boss : الله يسلمك

[21:51:16 26/02/10] gigi : احنا تقريبا جاوبنا على الاعتراض التانى الخاص بالصوم الجماعى

[21:51:32 26/02/10] dr mamdouh : الصوم الجماعى اقوى من الصوم الفردى ولو كان الصوم الفردى اقوى لكان صام ابرام بن زرعه وحده فى الخفاء لنقل جبل المقطم

[21:52:06 26/02/10] mira : الله ينور يا دكتور

[21:52:37 26/02/10] Boss : الصوم الجماعى مشاركة علشان احنا كلنا اعضاء فى جسد واحد الكنيسة

[21:53:42 26/02/10] gigi : الكلام كله مظبوط لو حبينا ناكده من الكتاب فعندنا امثله كتيره فى العهد القديم والعهد الجديد

[21:54:26 26/02/10] gigi : فى العهد الجديد ( لما سأل السيد المسيح لماذا لايصوم تلاميذك اجاب حين يرفع عنهم العريس حينئذ يصومون ( متى19 )

[21:55:18 26/02/10] mena salah : مساء الخير

[21:55:41 26/02/10] gigi : مساء النور

[21:55:36 26/02/10] mena salah : انا بعتذر يا جماعة عن التأخير بس ظروف شغل

من طرف **GIGI** 2010-02-27, 12:51 am

[21:55:28 26/02/10] gigi : البابا شنوده بيقول عن الصوم الجماعى

[21:56:16 26/02/10] gigi : وليس فى الصوم الجماعى رياء لانه ليس احد مميزا على غيره فيه اما درجة الصوم وعمقه بالنسبة للفرد فهى تكون فى الخفاء

[21:57:11 26/02/10] mariam b : على حسب ساعات الصوم الانقطاعى مثلا

[21:57:35 26/02/10] gigi : تحبوا ندخل على الاعتراض اللى بعده ولا حد يضيف حاجه

[21:57:39 26/02/10] mira : يقصد يعنى ان كل واحد مع التدبير الروحى مع اب الاعتراف بيظبط معاه نسكيات الصوم

[21:58:12 26/02/10] gigi : مظبوط يا ميرا

[21:58:31 26/02/10] mariam b : ياريت تقوليلنا الاعتراض لتانى

[21:58:50 26/02/10] gigi : ندخل على الاعتراض اللى بعده تحديد مواعيد الصوم

[21:59:02 26/02/10] gigi : ممكن نرد نقول ايه

[21:59:22 26/02/10] mena salah : انا شايف ان الكنيسة وضعت الاصوام بمناسبات معينة زى صوم المسيح اربعين يوم وده طبعا بيى صومنا بركة خاصة لينا بجانب جهاد الصوم

[22:00:42 26/02/10] gigi : يعنى يا مينا نقدر نقول ان الكنيسة نظمت الصوم الجماعى

[22:00:55 26/02/10] Boss : وكمان صوم الميلاد هو استعداد لاستلام شريعة العهد الجديد زى ما صام موسى لأستلام الشريعة

[22:01:07 26/02/10] mena salah : و بعدين عشان يكون فيه ربط بين كل الكنيسة فى العهد القديم والجديد و على مر القرون تكون فيه حاجه بتوحد الايمان وبكده نحس اننا جسد واحد فى المسيح

[22:01:26 26/02/10] mira : المسيح اله ترتيب ونظام ولو مفيش مواعيد محددة للصوم هتلاقى كل واحد صام على مزاجة

[22:01:43 26/02/10] mira : ومش هنكون جسد واحد

[22:02:28 26/02/10] gigi : المشكله ان فى ناس بتستخدم الايات اللى قولناه فى الاول استخدام غلط

[22:02:51 26/02/10] gigi : يعنى هما بيستندى فى الاعتراض ده على الايه اللى بيقول

[22:03:07 26/02/10] gigi : 2- لا يحكم احد عليكم فى اكل او شرب او من جهة عيد او هلال او سبت التى هى ظل الامور العتيده واما الجسد فللمسيح ( كو2 :16 - 17 )

[22:03:56 26/02/10] gigi : فبقولوا محدش يحكم عليه فى ميعاد الصوم ذى الاه ما بتقول

[22:04:04 26/02/10] gigi : طيب ارد اقول ايه

[22:04:19 26/02/10] mena salah : الصوم امر كتابى غير الاية اللى بتتكلمى فيها يا جيهان

[22:04:32 26/02/10] Boss : ايه ؟؟

[22:04:44 26/02/10] gigi : معاك حق

[22:04:45 26/02/10] mena salah : و بعدين لا يحكم احد عليكم فى شىء معناها

[22:05:51 26/02/10] mira : هوهوبيتكلم فى الايه اللى حضرتك قولتيها ان الناس مترتبطش باعياد اليهود او بطقوسهم للاكل والشرب وكده يعنى مدام بقيو فى الايماان المسيحي لكن كل جسدهم يكون ملك للمسيح ووصيته

[22:07:07 26/02/10] mena salah : ان محدش يحرم اكل معين او يحرمه زى مكان هايعمل بطرس الرسول مع الاكل النجس لكن ربنا كلمه وقاله ليس مايدخل الفم ينجسه

[22:07:26 26/02/10] gigi : صح يا ميرا فعلا اليه ده لو رجعنا لموضوع الاصحاح هنلاقى المقصود بيها الناس اللى دخلو المسيحيه وكانو عايزين يهودوا المسيحيه

[22:08:06 26/02/10] mira : الايه دى يا مينا بياخدوها على ان مش لازم ناكل اكل نباتى فى الصوم اذا كان نوع الاكل مش بينجس الانسان

[22:08:23 26/02/10] mira : تمام يا جيجي

[22:08:59 26/02/10] mena salah : الانسان الاول كان نباتى قبل الخطية الاولية

[22:09:19 26/02/10] gigi : ممكن نختم الاعتراض ده بكلام البابا

[22:09:28 26/02/10] mena salah : و الكنيسة بتحاول ترجعنا تانى للطبيعة الاولى

[22:09:32 26/02/10] gigi : الصوم فى مواعيد محدده هو تعليم كتابى كما حدده ربنا فى سفر زكريا النبى (صوم فى الشهر الرابع وصوم الشهر الخامس وصوم الشهر السابع وصوم الشهر العاشر)

[22:09:48 26/02/10] mena salah : النباتى بتدى فرصة للروح انها تسمو عن الجسد

[22:09:56 26/02/10] gigi : وكمان البابا بيقول يمكن فى تحديد مواعيد الصوم هو تنظيم العباده الجماعية وفى المسيحية اخدت مناسبات الصوم طابعا مسيحيا لكل منه حكمته وتأثيره وهدفه الروحى

[22:09:59 26/02/10] mena salah : ويقلل من الشهوات

[22:10:20 26/02/10] mena salah : كلما تذلل الانسان لجأ للمسيح

[22:10:41 26/02/10] gigi : كده يا مينا انت دخلتنا على الاعتراض الاخير

[22:10:44 26/02/10] mira : زى الكتاب بيقول اذللت بالصوم نفسي

[22:11:31 26/02/10] gigi : اللى هو الاعتراض على الاكل النباتى ومنع الاكل الحيوانى

[22:12:13 26/02/10] gigi : على فكره ميعاد الاجتماع خلص تحبوا نكمل الاعتراض الاخير ولا كفايا

[22:12:21 26/02/10] Boss : من المعروف ان الاكل الحيوانى او اكل اللحوم بيدى طاقة شهوية

[22:13:43 26/02/10] Boss : وزى ما مينا قال ان الانسان الاول كان اكله نباتى

[22:13:52 26/02/10] mira : المفروض ان اللى صايم مش بيبقا فارق عنده ياكل لحوم او اكل نباتى هوه من كتر الانشغال بربنا نسي انه ياكل

[22:15:50 26/02/10] gigi : ربنا ما سمحش للانسان باكل اللحوم غير بعد الطوفان لما الانسان كان مستواه الروحى نزل

[22:16:27 26/02/10] gigi : لكن قبل كده كان بياكل اكل نباتى ذى ما مينا وباسم قالوا

[22:18:32 26/02/10] mira : بس برده احنا مرديناش على الايه اللى بتقول ليس مايدخل الفم ينجسه

[22:19:20 26/02/10] dr mamdouh : انا معاكوا فى كل اللى قالتوا

[22:20:47 26/02/10] Boss : ممكن نرد ان الاكل الحيوانى مش هاينجس الانسان والا كنا امتنعنا عنه على طول مش الصيام بس

[22:21:26 26/02/10] Boss : لكن امتناعنا عنه فى الصوم دة لقمع الجسد

[22:21:49 26/02/10] dr mamdouh : معاك حق

[22:21:57 26/02/10] gigi : الامتناع عن الطعام الحيوانى هو نسك وليس لانه ينجس الانسان

[22:22:08 26/02/10] Boss : زى ما بولس الرسول قال اقمع جسدى واستعبده

[22:22:11 26/02/10] dr mamdouh : وكمان ده وقاية من امراض كتير

[22:22:38 26/02/10] dr mamdouh : و الانسان بيكون صحى اكتر

[22:23:06 26/02/10] gigi : "فى الازمنه الاخيرة يرتد قوم عن الايمان .... ما نعين عن الزواج وامرين أن يمتنع عن اطعمة خلقها الله لتتناول بالشكر"( 1 تى 4 : 1-3 )

[22:23:08 26/02/10] mira : حتى من بعد اكل اللحوم بعد الطوفان كترت الامراض وقل مستوى عمر الانسان بعد ما كان بيعيش 900 سنه

[22:23:48 26/02/10] gigi : البابا شنوده رد وقال المقصود هنا الناس اللى حرموا الزواج وحرموا اللحم وحرمو الخمر ودول الكنيسه حرمتهم

[22:24:00 26/02/10] gigi : ولكن الكنيسة لا تحرم الللحوم وما ينتمى اليها امنا تمنعها فى الصوم نسكا وليس لانها نجسة بدليل ان الصائمين يأكلون هذه الاطعمة حينما يفطرون

[22:24:26 26/02/10] mira : فعلا صحيح

[22:26:53 26/02/10] gigi : طيب ممكن نوزع فقرات الاسبوع اللى جاى

[22:27:10 26/02/10] marko usa : معلش على التئخير

[22:27:31 26/02/10] gigi : ولا يهمك يا ماركو

[22:27:58 26/02/10] marko usa : انا نورا

[22:27:23 26/02/10] mira : هوه كده الاجتماع خلص؟؟

[22:28:34 26/02/10] gigi : هو الاجتماع بيخلص الساعه 10 احنا اتاخرنا بس قبل ما نمشى نوزع الفقرات

[22:27:51 26/02/10] dr mamdouh : احنا يا جماعة استفدنا كتير النهاردة وانا و مينا و تادرس بنشكركم على الافادة

[22:28:23 26/02/10] Boss : وانا كمان بشكركم على الافادة

[22:28:36 26/02/10] mira : انا استفدت كتير من الاجتماع ده وبشكركم كتير

[22:28:48 26/02/10] dr mamdouh : بس ياريت كلنا نفكر باقى الناس وندعيهم للاجتماع عشان المشاركة تكون افضل والاستفادة اكتر

[22:35:26 26/02/10] dr mamdouh : طيب احنا بنقولكم تصبحوا على خير و نشوفكم الاسبوع الجاى

[22:36:42 26/02/10] mira : سلالالالالالالالالالالالالالام

[22:36:53 26/02/10] dr mamdouh : سلام

[22:37:00 26/02/10] Boss : سلام

[22:37:01 26/02/10] gigi : ســــــــــــــلام

من طرف **GIGI** 2010-02-27, 1:49 am

ملخص الاجتماع الثالث

تضمن الاجتماع ثلاث فقرات:

الفقره الاولى :صلاه قدمها تادرس

الفقره التانيه : قدمتها مريم وكانت عباره عن قصه من كتاب عين الماء للانبا مكاريوس وهى موجوده فى قسم الاجتماع الاسبوعى بعنوان قصه الاجتماع الاسبوعى الثالث وتم التأمل والتعليق على القصة فى الاجتماع

الفقره الثالثه : قدمتها جيهان وكانت عباره عن مناقشه على الصوم والاعتراضات عليه وملخص هذه المناقشه هى :

الاعتراضات على الصوم هى :

اعتراضات وهى

1- ان الصوم يكون فى الخفاء

2- اعتراض على الصوم الجماعى فيقولوا ان الصوم عمل فرى فيصوم الفرد متى شاء وكيفما شاء ولاسلطه للكنيسه ولا تدخل لها فى ذلك

3- اعتراض مواعيد الصوم المحدد

4- اعتراض على اكل الطعام النباتى منع الطعام الحيوانى

الرد على الاعتراضات :

الرد على الاعتراض الاول ( الصوم فى الخفاء )

الصوم فى الخفاء خاص بالعباده الفرديه وليس بالعباده الجماعية علشان احنا عندنا النوعين من العباده زى الصلاه فيها الصلاه الفرديه اللى وصانا بيها ربنا وفى الصلاة الجماعية

الرد علىالاعتراض الثانى ( الصوم الجماعى )

الصوم الجماعى اقوى من الصوم الفردى ولو كان الصوم الفردى اقوى لكان صام ابرام بن زرعه وحده فى الخفاء لنقل جبل المقطم الصوم الجماعى مشاركة علشان احنا كلنا اعضاء فى جسد واحد الكنيسة

الصوم الجماعى امر كتابى فعندنا امثله كتيره فى العهد القديم والعهد الجديد مثل وصوم اهل نينوى والصوم اللى نادت بيه استير ( لما سأل السيد المسيح لماذا لايصوم تلاميذك اجاب حين يرفع عنهم العريس حينئذ يصومون ( متى19 )

وليس فى الصوم الجماعى رياء لانه ليس احد مميزا على غيره فيه اما درجة الصوم وعمقه بالنسبة للفرد فهى تكون فى الخفاء على حسب ساعات الصوم الانقطاعى مثلا يعنى ان كل واحد مع التدبير الروحى مع اب الاعتراف بيظبط معاه نسكيات الصوم

الرد على الاعتراض الثالث ( تحديد مواعيد الصوم )

الكنيسة نظمت الصوم الجماعى فكل صيام ليه مناسبته وتأثيره وهدفه الروحى مثل صوم الميلاد هو استعداد لاستلام شريعة العهد الجديد زى ما صام موسى لأستلام الشريعة

ربط بين كل الكنيسة فى العهد القديم والجديد و على مر القرون تكون فيه حاجه بتوحد الايمان وبكده نحس اننا جسد واحد فى المسيح

المسيح اله ترتيب ونظام ولو مفيش مواعيد محددة للصوم هتلاقى كل واحد صام على مزاجة ومش هنكون جسد واحد

الصوم فى مواعيد محدده هو تعليم كتابى كما حدده ربنا فى سفر زكريا النبى (صوم فى الشهر الرابع وصوم الشهر الخامس وصوم الشهر السابع وصوم الشهر العاشر)

المقصود بالايه " لا يحكم احد عليكم فى اكل او شرب او من جهة عيد او هلال او سبت التى هى ظل الامور العتيده واما الجسد فللمسيح" ( كو2 :16 - 17 )

هو يقصد ان الناس مترتبطش باعياد اليهود او بطقوسهم للاكل والشرب وكده يعنى مدام بقيو فى الايمان المسيحي لكن كل جسدهم يكون ملك للمسيح ووصيته

رد على الاعتراض الرابع ( الاكل النباتى ومنع الاكل الحيوانى )

الاكل النباتى بتدى فرصة للروح انها تسمو عن الجسد

ويقلل من الشهوات من المعروف ان الاكل الحيوانى او اكل اللحوم بيدى طاقة شهوية

الانسان الاول كان اكله نباتى ربنا ما سمحش للانسان باكل اللحوم غير بعد الطوفان لما الانسان كان مستواه الروحى نزل

اما بالنسبه للايه "فى الازمنه الاخيرة يرتد قوم عن الايمان .... ما نعين عن الزواج وامرين أن يمتنع عن اطعمة خلقها الله لتتناول بالشكر"( 1 تى 4 : 1-3 )

ممكن نرد ان الاكل الحيوانى مش هاينجس الانسان والا كنا امتنعنا عنه على طول مش الصيام بس

لكن امتناعنا عنه فى الصوم دة لقمع الجسد وليس لانه ينجس الانسان زى ما بولس الرسول قال اقمع جسدى واستعبده

البابا شنوده رد على الايه وقال المقصود هنا الناس اللى حرموا الزواج وحرموا اللحم وحرمو الخمر ودول الكنيسه حرمتهم

ولكن الكنيسة لا تحرم الللحوم وما ينتمى اليها امنا تمنعها فى الصوم نسكا وليس لانها نجسة بدليل ان الصائمين يأكلون هذه الاطعمة حينما يفطروا