دردشه اجتماع هذا الاسبوع 7 / 5

من طرف **GIGI** 2010-05-08, 12:20 am

[21:56:36 07/05/10] GIGI : مساء الخير
[22:04:38 07/05/10] اماني : هااااااااااااااااااي مساء الخير عليكوااا
[22:07:16 07/05/10] mena salah : مساء الخير
[22:07:47 07/05/10] GIGI : مساء النور
[22:08:13 07/05/10] mena salah : الواضح ان الميعاد الجديد اثر على الحضور
[22:10:04 07/05/10] amani adel : هههههههههه
[22:12:09 07/05/10] mena salah : طيب ممكن نبدأ
[22:12:32 07/05/10] اماني : اوكي اتفضل
[22:18:43 07/05/10] marko usa : مساء الحير
[22:18:53 07/05/10] amani adel : مساء النور
[22:19:11 07/05/10] GIGI : مساء النور
[22:20:25 07/05/10] marko usa : اتفضلو كملو
[22:20:38 07/05/10] mena salah : بسم الاب و الابن و الروح القدس ...اله واحد امين...يارب بارك فى اجتماعنا و ساعدنا اننا نغهم رسالتك لينا النهاردة و بارك فى الحاضرين و افتقد كل الاعضاء اللى مش موجودين معانا وبارك خدمتك فى الشطبى و اجعلنا
[22:21:26 07/05/10] mena salah : عبيد امناء فى كرمك و اعمل بروحك القدوس داخلنا
[22:22:18 07/05/10] mena salah : بشفاعة امك العذراء وجميع قديسيك اسمعنا عندما ندعوك بالشكر قائلين ...يا ابانا لذى فى السموات........................
[22:22:50 07/05/10] اماني : امين
[22:23:10 07/05/10] marko usa : امين
[22:23:27 07/05/10] amani adel : امين
[22:23:38 07/05/10] GIGI : امتن
[22:23:41 07/05/10] GIGI : امين
[22:23:49 07/05/10] GIGI : المفروض ريمون هو اللى عليه القصه بس هو منزلهاش علشان كده انا نزلت قصه مكانه
[22:24:01 07/05/10] mena salah : امين
[22:24:21 07/05/10] GIGI : اسمها الجندى المهزوم
[22:24:22 07/05/10] mena salah : اوك
[22:24:28 07/05/10] GIGI : نقراها ونرجع
[22:24:40 07/05/10] marko usa : اوك
[22:27:43 07/05/10] amani adel : فصة مؤثرة
[22:28:13 07/05/10] marko usa : القصه جميله
[22:28:30 07/05/10] اماني : فعلاااا قصه مؤثره جدااااااااااا
[22:31:24 07/05/10] amani adel : القصة بتروينا اننا المفروض نقبل الأخرين مهما كان حالتهم
[22:32:06 07/05/10] amani adel : ونعاملهم كويس علشان مايأثرش عليهم
[22:32:08 07/05/10] hanan : اوك
[22:32:22 07/05/10] amani adel : ومانخسرهمش
[22:32:55 07/05/10] اماني : تمام بس خليني واقعيين شويه قليل قوووي اللي بيعمل كداااا اننا نقبل اللي حوالينا زي ماهمااا
[22:33:47 07/05/10] mena salah : عارفين احنا كتير بناخد موقف الاب اللى بيرفض انه يكون ابنه عاجز و بنعمل ده مع شخصيات كتير...اصحابنا ...اخواتنا...او حتى ذواتنا ساعات مبنقبلهاش زى ما هى و بنصاب بضغر نفس
[22:34:10 07/05/10] اماني : يمكن احنااا كمان احيان كتير بنعمل كدااا ممكن مع الناس اللفقراا شويه اللي مظهرهم مش لطيف ممكن نعااملهم باسلوب مش تمااام
[22:34:16 07/05/10] GIGI : انا معاكى يا امانى بس الواحد لو فكر لحظه قبل ما يتعامل مع حد وفكر انه ممكن يكون هو الشخص ده هايغير تعامله
[22:35:00 07/05/10] marko usa : صح ياجيجى
[22:35:03 07/05/10] GIGI : لو نفكر شويه ونقول ده امر من عند ربنا ومحدش ليه ذنب فيه هانتغير
[22:35:15 07/05/10] اماني : تماااام
[22:35:19 07/05/10] GIGI : ونعامل الناس احسن
[22:35:21 07/05/10] mena salah : لكن محبة المسيح لنا اكبر مثال على قبول الاخرين بل و محبتهم
[22:35:35 07/05/10] GIGI : تمام يا مينا
[22:35:40 07/05/10] hanan : معطيا الناقص كرامه افضل
[22:37:12 07/05/10] hanan : الله يستخدم كل انسان حتي ولو امكانيات الانسان ضعيفه او قليله الله ليس لديه مانع ان يخلص بالقليل او الكثير
[22:37:16 07/05/10] mena salah : واخدمه بفرح كمان
[22:37:24 07/05/10] mena salah : لو بصيت للانسان ده على انه صورة المسيح قدامى اكيد هاقبله
[22:38:01 07/05/10] mena salah : و اخدمه بفرح كمان
[22:36:50 07/05/10] GIGI : فى تأمل قريته على القصه عايزه اقولهولكم
[22:38:20 07/05/10] GIGI : إن الأب في هذه القصة يشبه الكثيرين منا ، ربما من السهل علينا أن نحب مجموعة من حولنا دون غيرهم لأنهم ظرفاء أو لأن شكلهم جميل ، ولكننا لا نستطيع أن نحب أبدا ' الغير كاملين ' سواء كان عدم الكمال هذا في الطبع أو في التصرفات او فى المستوى الاجتماعى.
[22:38:33 07/05/10] hanan : الذي فقد جزء من جسده الله يعطي قوه لبقيه الاجزاء لتعمل حسنا
[22:39:37 07/05/10] GIGI : فى زمن الرب يسوع كان هناك العشارين و الخطاة و أهل السامرة وكانوا من الفئات المكروهة جدا ، ولكن أتعلم ماذا كان يفعل الرب يسوع؟
[22:39:44 07/05/10] mena salah : ما تفعلونه بأحد هؤلاء الاصاغر فبى قد فعلتم....و الصغير مش بس الفقير لكن كل انسان محتاح للرحمة
[22:44:18 07/05/10] GIGI : لقد كان يعرف تماما إنه ليس هناك إنسانا ــ مهما كان خاطئا ــ سيئ مائة بالمائة ، لذا كان يبحث عن ( الشيء الجيد ) في كل إنسان حتى ولو كان بنسبة ضئيلة جدا
[22:44:30 07/05/10] GIGI : ، كان لا يجعل الآخرين يدركون عيوبهم ونقصهم ، لذا كسب السيد المسيح كل من تعامل معه ، لقد أكل مع الخطاة و العشارين و دافع عن المرأة الخاطئة وامتدح إيمان المرأة السامرية ، وتعطف على البرص والخطاة و شفاهم
[22:44:50 07/05/10] GIGI : يا ليت أن نتعلم من معلمنا العظيم ، ليتنا نقبل كل واحد على نقصه متذكرين دائما إننا نحن ، أيضا ، لنا ضعفتنا و إنه لا أحد كامل مهما بدا عكس ذلك .
[22:45:41 07/05/10] mena salah : يارب ادينى عين رحيمة ابص بيها على كل الناس و ارحم و احب كل الناس زى محبتك لى
[22:46:57 07/05/10] amani adel : فعلا احنا المفروض نتعلم من الرب يسوع ازاى نتعامل مع الاخرين
[22:48:04 07/05/10] GIGI : اتفضليا مينا ابدأ المناقشه
[22:49:21 07/05/10] mena salah : اوك
[22:50:30 07/05/10] mena salah : هى مش مناقشة بالمعنى بس عايزين عايزيين نتكلم شوية عن احوال المنتدى النهاردة
[22:51:33 07/05/10] mena salah : يمكن اتكلمنا الاسبوع اللى فات شوية بس النهاردة عايزيين نتكلم بشكل اوسع
[22:51:56 07/05/10] mena salah : اول حاجة...
[22:52:34 07/05/10] mena salah : احنا شايفين منتدانا حقق ايه؟؟؟بس ياريت كل الحاضرين يشتركوا؟؟؟
[22:53:47 07/05/10] marko usa : انا شيفه انه بيتقدم كتير
[22:54:26 07/05/10] اماني : معلشي هو انا ممكن اسال المنتدى بقاله اد ايه مفتوح معلشي انا لسه عضوه جديده معاكم
[22:54:27 07/05/10] GIGI : هو فى ايام بيكون كويس وفى ايام تنى بكون فى حاله ركود
[22:54:55 07/05/10] اماني : اي منتدى كده يا جيجي مش هنا بس
[22:55:04 07/05/10] GIGI : من شهر 12 يا امانى
[22:55:51 07/05/10] amani adel : المنتدى فى الأول كان كويس عن دلوقت
[22:55:55 07/05/10] اماني : تمااااام نشكر ربنا لا المنتدى تمااام بس محتاااج شغل اكتر من كده محتاااج ناس كتير تعرفه
[22:55:58 07/05/10] mena salah : 5 شهور
[22:56:01 07/05/10] اماني : وفي اقباال اكتر
[22:56:06 07/05/10] amani adel : كان فيه نشاط من كل الموجودين
[22:57:42 07/05/10] amani adel : لكن دلوقت معظم الأيام بيكون فى حاله سيئة
[22:58:01 07/05/10] mena salah : انا بقول الحمد لله اننا مستمرينلكن محتاجين نشتغل بنشاط اكتر
[22:58:43 07/05/10] mena salah : و نشجع الكل
[22:59:04 07/05/10] mena salah : و نعمل مواضيع فيها تواصل بين الاعضاء
[23:00:04 07/05/10] mena salah : انا معاكى يا امانى انه فيه ركود
[23:00:25 07/05/10] mena salah : لكن احنا بردو حققنا حاجات كويسة
[23:00:38 07/05/10] mena salah : لاننا بدأنا من الصفر
[23:00:58 07/05/10] amani adel : ايوه كلامك مظبوط
[23:01:08 07/05/10] marko usa : انا شايفه فى ناس كتير مشتركه ومش بترد على المواضيع حتى
[23:01:31 07/05/10] amani adel : بس انا كان نفسى انه يستمر زى ما بدأ
[23:02:00 07/05/10] mena salah : اهلا يا بوص
[23:02:19 07/05/10] Boss : مساء الخير
[23:02:29 07/05/10] amani adel : ازيك يا بوس
[23:02:39 07/05/10] amani adel : مساء النور
[23:02:43 07/05/10] marko usa : مساء النور
[23:02:57 07/05/10] Boss : انتوا بدأتوا بدرى ولا ايه ؟
[23:03:38 07/05/10] amani adel : احنا معادنا عشره
[23:03:38 07/05/10] mena salah : بدأنا 10
[23:04:31 07/05/10] Boss : معلش خطأ فنى
[23:04:53 07/05/10] mena salah : اوك
[23:05:38 07/05/10] mena salah : 2- ايه العيوب والسلبيات اللى شايفنها فى المنتدى ؟؟؟و ازاى نتلاشاها؟؟؟
[23:06:01 07/05/10] mena salah : يهمنى اعرف رأى الكل
[23:06:05 07/05/10] اماني : زي ايه العيوب والسلبيات ؟
[23:06:52 07/05/10] GIGI : العيب مننا كلنا ان احنا مش بنكون متواجدين على طول فى المنتدى
[23:07:29 07/05/10] Boss : من سلبياتنا عدم الرد على المواضيع وكلنا بنقع فى الحكاية دى وانا اولكم
[23:07:53 07/05/10] GIGI : وكمان مقصرين فى قرأءة الموضوعات والرد عليها
[23:08:04 07/05/10] mena salah : عدم الاهتمام بالرد على الماضيع ...و لما برد بكتفى ب شكرا ع الموضوع بدون ما اقول رأى يعبر عنى و يمكن كمان مكنش قريت الموضوع
[23:09:27 07/05/10] mena salah : 2-مفيش تواصل بين الاعضاء
[23:09:45 07/05/10] amani adel : فى اقسام ماحدش بيدخلها اصلا
[23:10:16 07/05/10] اماني : معلشي وكماااان السيرفر بتاع المنتدى بطئ عندي
[23:10:25 07/05/10] mena salah : 3- الادارة مقصرة فى افتقاد الناس
[23:11:01 07/05/10] اماني : ممكن تعمل موضوع خااص بالافتقاااد وكلناااااا نفتقد بعض مش شرط الاداره بس
[23:11:26 07/05/10] اماني : وفي اقساام في الحقيقه ناقصه كماااان
[23:11:32 07/05/10] mena salah : ايه تانى من السلبيات
[23:11:40 07/05/10] Boss : هو فعلاً موجود قسم للأفتقاد
[23:11:52 07/05/10] hanan : انا مشاركه فيه من فتره بسيطه ومعجبه بيه جدا وبدخل واقرا وفعلا بستفيد يكفي ان في تواصل بينا كلنا في الفكر
[23:11:57 07/05/10] اماني : يعني في قسم مهم جدااااااااا قسم الشبابيااات موجود في اي منتدى
[23:12:30 07/05/10] اماني : طب تماااام قوووي يا بوس نفتقد بعض بقى فيه
[23:12:35 07/05/10] GIGI : تمام
[23:13:11 07/05/10] mena salah : احنا عاملين قسم حوار مفتوح ...قريب للشبابيات
[23:13:36 07/05/10] mena salah : و بعدين اى اقسام انتو عايزينها ممكن تبعتولنا اسمائها
[23:13:45 07/05/10] Boss : ودة من الاقسام المهمة اللى بتعبر عن ارائنا كلنا
[23:14:04 07/05/10] amani adel : فى ناس قالت ان الشات مش مستغل غير فى الأجتماع
[23:14:06 07/05/10] Boss : لكن تقريباً منسى خالص
[23:14:25 07/05/10] amani adel : بس والمفروض انه يكون مستغل اكتر من كده
[23:14:44 07/05/10] mena salah : ازاى يا امانى؟؟؟
[23:14:58 07/05/10] amani adel : يعنى اللى يدخل المنتدى ممكن انه يفتح شات المنتدى
[23:15:17 07/05/10] mena salah : تمام
[23:15:23 07/05/10] amani adel : وهو بيرد على الموضوعات ونتكلم مع بعض على المنتدى
[23:15:37 07/05/10] mena salah : انا احيانا بعمل كده
[23:15:48 07/05/10] amani adel : بدل ما بنتكلم على الياهو او الفبس
[23:16:09 07/05/10] amani adel : قصدى انه يكون مفتوح ديما
[23:16:10 07/05/10] mena salah : بس نلاحظ ان الشات فى المنتدى بيشوفه الكل يعنى مش خاص
[23:16:40 07/05/10] اماني : هو انا معلشي ممكن اعلق تعليق تاني بس ملوش علاقه بالشات ليه علاقه بشكل المنتدى
[23:16:57 07/05/10] amani adel : طول ما احنا متوجدين فى المنتدى يكون الشات مفتوح
[23:17:33 07/05/10] amani adel : مش لازم يكون كلامنا فى كوضوعات خاصة
[23:17:54 07/05/10] mena salah : انا موافقك
[23:18:47 07/05/10] اماني : بصراحه يعني بصراحه بدون ماحد يتضايق انا شكل المنتدى معجبنيش قوي ما ارتحتش للون ولا الاستايل وانا بصراحه او اي حد لسه اول مره يدخل المنتدى لو لقى الاستايل بتاعه مش قوي مش هيبقى متحمس قوي انه يشارك فيه
[23:19:57 07/05/10] اماني : دي حقيقه اغلب الناس كده بتبص للمظهر او الشكل
[23:20:38 07/05/10] mena salah : اولا المنتدى مجانى يعنى مش كل الاستايلات متاحة ثانية احنا لسه مبتدئين و اكييد هانوصل لحاجة احسن
[23:21:21 07/05/10] اماني : تماااااااااام اوووووووك
[23:21:39 07/05/10] Boss : كان فى استايل احسن اللى هو كان ازرق يا مينا ممكن نجربه تانى

من طرف **GIGI** 2010-05-08, 12:22 am

[23:21:56 07/05/10] mena salah : فيه اى حد عنده حاجة تناى؟؟؟؟
[23:22:07 07/05/10] GIGI : اه
[23:22:12 07/05/10] mena salah : ماشى يا بوص
[23:22:32 07/05/10] mena salah : جى جى ؟؟؟
[23:22:34 07/05/10] GIGI : الاجتماع يا جماعه عايزين ننظمه ونتفق على اللى فيه
[23:23:08 07/05/10] mena salah : ايه مفترحاتك؟؟؟
[23:23:08 07/05/10] GIGI : ايه رايكم فيه وايه اللى عايزين نغيره
[23:23:24 07/05/10] GIGI : انا عايزه رأيكم
[23:23:46 07/05/10] GIGI : ممكن نغير فيه ايه
[23:23:47 07/05/10] mena salah : انا شايف انه كويس بس الناس تنتظم ع الحضور
[23:24:33 07/05/10] GIGI : طيب توزيع الفقرات عايزين نتفق على حاجه
[23:25:01 07/05/10] mena salah : ايه؟؟؟
[23:25:20 07/05/10] GIGI : ان كل واحد فينا يكون جاهز ويحضر مواضيع علشان كلنا نشارك فى الفقرات
[23:25:56 07/05/10] GIGI : علشان انا مش بلاقى قبول كتير لما بطلب من حد انه يقدم مناقشه
[23:26:21 07/05/10] GIGI : فياريت نكون كلنا مجهزين مواضيع واناخده بالدور
[23:26:49 07/05/10] GIGI : يعنى المناقشه تلف علينا كلنا كل واحد مره
[23:27:11 07/05/10] GIGI : واللى يحضر معانا جديد يكون ليه مره
[23:27:22 07/05/10] Boss : ماشى فكرة كويسة
[23:27:34 07/05/10] mena salah : موافق
[23:27:50 07/05/10] amani adel : اوك
[23:27:51 07/05/10] Boss : بكدة هانستفيد اكتر
[23:27:58 07/05/10] mena salah : رتبيها و حطيها كموضوع ثابت فى القسم
[23:28:30 07/05/10] mena salah : و كل واحد يبقى عارف دوره و كمان انت تفكرييه
[23:28:42 07/05/10] GIGI : مش هاينفع نرتبها ونحطها كموضوع ثابت لان فى ناس جديده بتحضر
[23:29:10 07/05/10] GIGI : احنا ممكن نرتبها بالشهر
[23:29:26 07/05/10] GIGI : ونعملها فى اعلان وكل شهر يتغير
[23:29:47 07/05/10] GIGI : علشان لو فى حد جديد يشترك معانا
[23:29:50 07/05/10] mena salah : اللى يدخل جيد يبقى فى الاخر
[23:30:13 07/05/10] GIGI : اوك
[23:30:31 07/05/10] mena salah : اوك
[23:30:38 07/05/10] اماني : اوك
[23:30:58 07/05/10] Boss : تمام
[23:31:05 07/05/10] mena salah : 3- ايه اول حاجة بتعملها اول ما تدخل المنتدى ؟؟؟؟
[23:31:23 07/05/10] GIGI : المشكله يا مينا ان مش كله حاضر هاينفع اعمل اعلان واطلب من الناس تقدم وهما مش حاضرين
[23:32:30 07/05/10] mena salah : انا برد على المواضيع الجديدة وبعد كده بشكر كل اللى ردوا فى مواضيعى وبعد كده بنزل موضوعى الجديد
[23:32:35 07/05/10] Boss : اول حاجة بشوف المشاركات الجديدة
[23:33:01 07/05/10] mena salah : اه ممكن يا جيهان
[23:33:16 07/05/10] mena salah : مظنش ان فيه حد هايعترض ع الفكرة
[23:33:18 07/05/10] amani adel : انا بشوف مين موجود فى المنتدى
[23:33:25 07/05/10] amani adel : والموضوعات الجديده
[23:33:30 07/05/10] amani adel : وبرده عليها
[23:33:39 07/05/10] amani adel : واشوف موضوعاتى
[23:33:47 07/05/10] mena salah : ماركو و حنان معانا؟؟؟
[23:33:56 07/05/10] amani adel : ووارد على اللى ردوا عليا
[23:34:30 07/05/10] GIGI : لا باين النت فصل عندهم
[23:35:37 07/05/10] mena salah : ايه رحتوا فين
[23:35:59 07/05/10] GIGI : معاك
[23:36:10 07/05/10] GIGI : النت ضغيف والكلام بيظهر متأخر
[23:36:16 07/05/10] Boss : معاك
[23:36:30 07/05/10] mena salah : 4- ايه مترحاتكم للمنتدى الفترة اللى جاية؟؟؟؟؟؟
[23:36:52 07/05/10] اماني : انا موجوده بس انا مش بدخل كتير بصراحه بس اوعدكم بمجرد ما اخلص الامتحانات بتاعتي في اجازه اخر السنه باذن المسيح هشاارك كتير قووووووووي
[23:39:25 07/05/10] GIGI : نحاول نتواجد فى المنتدى اكتر وننزل مواضيع اكتر ونرد على المواضيع اللى موجوده
[23:39:50 07/05/10] mena salah : و ايه كمان؟؟؟
[23:42:34 07/05/10] mena salah : انا بقترح ان كل واحد منا يحاول ينشر المنتدى
[23:42:40 07/05/10] mena salah : لكل اصحابه
[23:42:48 07/05/10] mena salah : اللى ع الياهو و الفيس
[23:43:01 07/05/10] GIGI : احنا بنقول للناس اللى نعرفها
[23:43:05 07/05/10] mena salah : حتى لو ها ياخد وقت وتعب شوية منه
[23:43:19 07/05/10] GIGI : اوك
[23:44:13 07/05/10] mena salah : و كمان انا بشجع جدا موضوع رسايل الموبايل مع انى مش عارف اكمل باقى الخطوات
[23:44:21 07/05/10] amani adel : اوك
[23:45:13 07/05/10] mena salah : احنا ممكن نعمل موضوع نطلب فيه من الناس انها تبعتلنا ارقام تليفوناتها و احنا ممكن نشتركلهم
[23:45:36 07/05/10] Boss : صعب يا مينا الموضوع دة
[23:45:52 07/05/10] Boss : فيه ناس ممكن ترفض الحكاية دى
[23:46:36 07/05/10] mena salah : انا بقول للى معندوش مشكلة
[23:46:46 07/05/10] Boss : وبعدين لازم يفعلوا الاشتراك من الرقم اللى هايتبعت فى رسالة على الموبايل اثناء الخطوات
[23:47:01 07/05/10] amani adel : كلام باسم مظبوط
[23:47:10 07/05/10] mena salah : و كمان ممكن اشترك لبعض الاسماء اللى عندى على موبايلى
[23:47:19 07/05/10] amani adel : هو ممكن نعمل كده مع اصحابنا
[23:47:24 07/05/10] mena salah : ااه
[23:47:30 07/05/10] mena salah : صح دى مشكلة
[23:47:43 07/05/10] mena salah : انا كان قصدى نكبر الموضوع
[23:47:55 07/05/10] amani adel : علشان نقدر ناخد منهم رقم التاكيد اللى على الموبيل
[23:48:10 07/05/10] Boss : انا فكرت فى كدة لكن مش هاينفع
[23:48:11 07/05/10] mena salah : لان ده هيكون وسيلة تواصلبين المنتدى والناس اكتر
[23:48:32 07/05/10] Boss : اكيد يا مينا كلامك مظبوط
[23:48:52 07/05/10] Boss : بس على فكرة الخطوات مشروحة كويس جداً بالصور
[23:49:04 07/05/10] mena salah : اخر سؤال؟؟؟
[23:49:14 07/05/10] Boss : لو اتبعتها بالظبط هاتلاقيها سهلة
[23:49:20 07/05/10] mena salah : انا هاشوفها تانى
[23:49:23 07/05/10] amani adel : اتفضل
[23:49:49 07/05/10] mena salah : ايه اللى تقدر انت تقدمه للشطبى على المستوى الفردى؟؟؟؟
[23:52:03 07/05/10] mena salah : يعنى كل واحد ممكن يعمل ايه للمنتدى ؟؟؟
[23:52:13 07/05/10] mena salah : اكييد كل واحد عنه مهارات معينه
[23:52:26 07/05/10] mena salah : يعنى ريمون مثلا ركز فى الكمبيوتر
[23:53:19 07/05/10] GIGI : انا ممكن انزل ترانيم بوربوينت انا عامله مجموعه
[23:53:48 07/05/10] amani adel : انا حاليا مركزه فى موضوع الرسايل وكمان
[23:54:02 07/05/10] amani adel : عاوزه اعمل جروب للمنتدى على جوجل
[23:54:05 07/05/10] mena salah : حلو خالص
[23:54:15 07/05/10] amani adel : زى اللى معمول للمنتديات التانيه
[23:54:26 07/05/10] amani adel : انا قولت لباسم عليه
[23:54:30 07/05/10] اماني : وانا صدقوني نفسي اساعدكوا قوي بس مش اقدر دلوقتي للاسف انا منتظره بس الامتحانات تخلص
[23:54:48 07/05/10] mena salah : ياريت
[23:54:48 07/05/10] اماني : وصدقوني بجد هعمل كتير قوي باذن المسيح
[23:54:57 07/05/10] amani adel : الجروب بيبعت اخر الخبار اللى فى المنتدى للاعضاء
[23:55:08 07/05/10] mena salah : ربنا معاكى
[23:55:23 07/05/10] amani adel : بس لسه باجرب
[23:55:46 07/05/10] amani adel : وكمان هاشوف بسات الشطبى
[23:56:07 07/05/10] mena salah : طب كويس يبقى الحاجات اللى قولناها ياريت ننفذها
[23:56:11 07/05/10] amani adel : انا الفتره اللى فاتت قصرت فى تنزيل المعجزات
[23:57:04 07/05/10] GIGI : ونحاول نكمل باقى الاقسام اللى مفهاش مواضيع
[23:57:10 07/05/10] mena salah : و انا كمان هاحاول اركز فى الاقسام اللى بشرف عليها
[23:57:26 07/05/10] mena salah : انا كده خلصت كلام
[23:57:35 07/05/10] Boss : انا عن نفسى مقصر جداً فى حق المنتدى
[23:57:59 07/05/10] mena salah : و اللى عنده حاجة عايز يقولها او سؤال يتفضل
[23:58:16 07/05/10] amani adel : فين قسم المواضيع المكرره
[23:58:38 07/05/10] amani adel : علشان فى موضوعين اتكرروا
[23:58:50 07/05/10] amani adel : المفروض يتنقلوا فيهم
[23:58:54 07/05/10] mena salah : بس عايز اقولكم ان فيه منتديات كتير كبيرة و منجحتش انها تعمل اجتماع لايف و كمان اسبوعى ده فى حد ذاته تميز للشطبى
[23:59:28 07/05/10] اماني : تماااااااام قوووي فعلااا
[23:59:40 07/05/10] mena salah : انا هافتحلكم القسم
[23:59:54 07/05/10] GIGI : اوك
[00:00:06 08/05/10] GIGI : يارب الاجتماع يستمر
[00:00:26 08/05/10] GIGI : صلوا كتير من اجل المنتدى
[00:00:47 08/05/10] mena salah : يارب كن معانا
[00:00:59 08/05/10] اماني : صلوات العدرا والقديسين
[00:01:17 08/05/10] GIGI : شكرا يا جماعه على الاجتماع النهارده
[00:01:46 08/05/10] mena salah : اكييد استفدنا
[00:02:10 08/05/10] mena salah : و مننساش ندخل الشات
[00:02:41 08/05/10] GIGI : اوك يا مينا
[00:02:53 08/05/10] mena salah : اوك
[00:03:18 08/05/10] GIGI : ربنا معاكوا وتصبحوا على خير
[00:03:40 08/05/10] اماني : وانتي من اهل الخير
[00:03:41 08/05/10] mena salah : هاستأذن تصبحوا على خير

من طرف **GIGI** 2010-05-08, 1:39 am

ملخص الاجتماع :

الفقرة الاولى : صلاه قدمتها مينا صلاح

الفقرة الثانيه : قصه قدمتها جيهان عادل والقصه موجوده فى قسم الاجتماع الاسبوعى بعنوان الجندى المهزوم وتم التعليق على القصه فى الاجتماع

الفقرة الثالثه : قدمها مينا صلاح وكانت مناقشه حول :
1- حوال المنتدى وكيف نرتقى به ؟؟
2- وتم عرض بعض الاقتراحات من خلال الاعضاء وتم الرد عليها

ملخص المناقشه:

1- احنا شايفين منتدانا حقق ايه؟؟؟بس ياريت كل الحاضرين يشتركوا؟؟

المنتدى مفتوح من خمس شهور المنتدى فى الأول كان فيه نشاط عن دلوقت ، فى ايام بيكون كويس وفى ايام تانى بكون فى حاله ركود اي منتدى كده مش هنا بس
انا شايفه انه بيتقدم كتير و نشكر ربنا لا المنتدى تمااام بس محتاااج شغل اكتر من كده محتاااج ناس كتير تعرفه وفي اقباال اكتر
انا بقول الحمد لله اننا مستمرين لكن محتاجين نشتغل بنشاط اكتر و نشجع الكل و نعمل مواضيع فيها تواصل بين الاعضاءنا واحنا بردو حققنا حاجات كويسة لاننا بدأنا من الصفر.

2- ايه العيوب والسلبيات اللى شايفنها فى المنتدى ؟؟؟و ازاى نتلاشاها؟؟؟
العيب مننا كلنا ان احنا مش بنكون متواجدين على طول فى المنتدى
من سلبياتنا عدم الرد على المواضيع وكلنا بنقع فى الحكاية دى
وكمان عدم الاهتمام بالرد على ا لماضيع ...و لما برد بكتفى ب شكرا ع الموضوع بدون ما اقول رأى يعبر عنى و يمكن كمان مكانش قريت الموضوع ومفيش تواصل بين الاعضاء
وكمان فى اقسام ماحدش بيدخلها اصلا

: 3- ايه اول حاجة بتعملها اول ما تدخل المنتدى ؟؟؟؟
الرد على المواضيع الجديدة وبعد كده بشكر كل اللى ردوا فى مواضيعى وبعد كده بنزل موضوعى الجديد.

: 4- ايه مقترحاتكم للمنتدى الفترة اللى جاية؟؟؟؟؟؟
نحاول نتواجد فى المنتدى اكتر وننزل مواضيع اكتر ونرد على المواضيع اللى موجوده انا بقترح ان كل واحد منا يحاول ينشر المنتدى لكل اصحابه : اللى ع الياهو و الفيس و كمان انا بشجع جدا موضوع رسايل الموبايل مع انى مش عارف اكمل باقى الخطوات

ايه اللى تقدر انت تقدمه للشطبى على المستوى الفردى؟؟؟؟
1- اعمل جروب للمنتدى على جوجل زى اللى معمول للمنتديات التانيه الجروب بيبعت اخر الخبار اللى فى المنتدى للاعضاء وكمان هاشوف بسات الشطبى
2- ونحاول نكمل باقى الاقسام اللى مفهاش مواضيع
3- و انا كمان هاحاول اركز فى الاقسام اللى بنشرف عليها

اقتراح :
ممكن نعمل موضوع خاص بالافتقاد وكلناااااا نفتقد بعض مش شرط الاداره بس
الرد : هو فعلاً موجود قسم للأفتقاد

اقتراح :
وفي اقسام في الحقيقه ناقصه كماااان قسم مهم جدااااااااا قسم الشبابيااات موجود في اي منتدى
الرد : احنا عاملين قسم حوار مفتوح ...قريب للشبابيات و بعدين اى اقسام انتو عايزينها ممكن تبعتولنا اسمائها ودة من الاقسام المهمة اللى بتعبر عن ارائنا كلنا

اقتراح :
فى ناس قالت ان الشات مش مستغل غير فى الأجتماع لكن تقريباً منسى خالص بس والمفروض انه يكون مستغل اكتر من كده يعنى اللى يدخل المنتدى ممكن انه يفتح شات المنتدى وهو بيرد على الموضوعات ونتكلم مع بعض على المنتدى بدل ما بنتكلم على الياهو او الفبس قصدى انه يكون مفتوح ديما بس نلاحظ ان الشات فى المنتدى بيشوفه الكل يعنى مش خاص طول ما احنا متوجدين فى المنتدى يكون الشات مفتوح مش لازم يكون كلامنا فى كوضوعات خاصة

اقتراح :
بصراحه يعني بصراحه بدون ماحد يتضايق انا شكل المنتدى معجبنيش قوي ما ارتحتش للون ولا الاستايل وانا بصراحه او اي حد لسه اول مره يدخل المنتدى لو لقى الاستايل بتاعه مش قوي مش هيبقى متحمس قوي انه يشارك فيه دي حقيقه اغلب الناس كده بتبص للمظهر او الشكل
الرد : اولا المنتدى مجانى يعنى مش كل الاستايلات متاحة ثانية احنا لسه مبتدئين و اكييد هانوصل لحاجة احسن

اقنراح اخر :
كان فى استايل احسن اللى هو كان ازرق ا ممكن نجربه تانى

اقتراح بخصوص الاجتماع الاسبوعى :
الاجتماع يا جماعه عايزين ننظمه ونتفق على اللى فيه؟؟؟
عايزين نوزيع الفقرات ونتفق على حاجه ان كل واحد فينا يكون جاهز ويحضر مواضيع علشان كلنا نشارك فى الفقرات فياريت نكون كلنا مجهزين مواضيع واناخده بالدور يعنى المناقشه تلف علينا كلنا كل واحد مره واللى يحضر معانا جديد يكون ليه مره
سوف يتم ترتيب توزيع الفقرات على الاعضاء نرتبها بالشهر ونعملها فى اعلان وكل شهر يتغير الاعضاء علشان لو فى حد جديد يشترك معانا اللى يدخل جديد يبقى فى الاخر

اقتراح :
عمل قسم المواضيع المكرره

يا جماعه عايزين باقى الاعضاء يقولولنا ايه رأيهم فى الاقتراحات الجديده ولو عندهم اقتراحات تانيه يقولولنا
منتظرين ردودكم وارأكم

من طرف **emy** 2010-05-10, 1:26 am

انا فعلآ افتقدت حضور الاجتماع جدا كان نفسي اكون معاكم
بس النت عملها فيا كالعادة
موضوع المناقشة حلو جدااااااااااااا
وكلها اقتراحات جميلة
بس بالنسبة للاستايل الاستايل دة حلو جدا واحسن واحد اتعمل يا اماني
ولو تقصدوا الاستايل الازرق اللي كان في اسبوع الالام
يــــــــــــاريت بلاش منة ارجوكم
وهابقي انزلكم اقتراحات في القسم
ربنا يبارك يبارك تعب خدمتكم

من طرف **dr mamdouh** 2010-05-11, 2:52 pm

كان نفسى اكون معاكم فى الاجتماع لكن مش قادر بس فرق التوقيت0 بصراحة كان اجتماع مفيد ورائع لمناقشة المنتدى واحواله وياريت كلنا نعمل معنا لكى يكون المنتدى فى أحسن حال وفى تطور مستمر0

من طرف **GIGI** 2010-05-12, 1:27 pm

شكرا لمرورك يا ايمان شكرا لمرورك يا دكتور ممدوح
وياريت الكل يقول رأيه فى الاقتراحات

¸.•´†`•.¸ منتـــــــدى الشطبـــــــــى ¸.•´†`•.¸

¸.•´†`•.¸ منتـــــــدى الشطبـــــــــى ¸.•´†`•.¸

دردشه اجتماع هذا الاسبوع 7 / 5

دردشه اجتماع هذا الاسبوع 7 / 5

رد: دردشه اجتماع هذا الاسبوع 7 / 5

رد: دردشه اجتماع هذا الاسبوع 7 / 5

رد: دردشه اجتماع هذا الاسبوع 7 / 5

رد: دردشه اجتماع هذا الاسبوع 7 / 5

رد: دردشه اجتماع هذا الاسبوع 7 / 5