قصيدة اعمل ايه فيكي يابلد

قصيدة
اعمل ايه فيكي يا بلد
(كلمات / مسيحي محروق دمه )

اعمل ايه فيكي يا بلد
بيموت فيكي كل يوم ولد
بقي مكان البنا هدد
طعم الحياة فيكي فسد

مش قادر اتكلم ومعاكي اهاتي
مش عارف فيكي اعيش حياتي
حاسس ان كل يوم يوم مماتي
مش عارف اعمل ايه وياكي

ابقي ضدك ولا معاكي
هو انا مش جاي علي هواكي
ولا القتل بقي طبع جواكي

القتل فينا بقي فن
ومحدش علينا بيحن
ولما نتقتل يقولوا ده قاتل مريض اتجن

دمنا سايح في الشوارع
بيدور علي الحق اللي ضايع

وكل ده ولسة العيدية اصل الحكاية مش منتهية
ده من الزاويه
للكشح
واسيوط
والمنيا
ونجع حمادي
ولاسكندرية

انا هصرخ
اصرخ اقول ايه
ولا اتكلم في ايه
ما انا صوتي قبل كدة اتنبح
وقلبي ليلة العيد اندبح

بس برده هنحضر العيد
وعزيمتنا من حديد
حتي لو كان الريح شديد
وبقولها باعلي صوت

احنا مش خايفين من الموت
بس فرحة العيد ماتت
خلاص فاتت خلاص

اسمعوا يا كل الناس
عيد مش عايزين
وعن حقنا مش ساكتين

مش كل سنه مقتولين متهانين
هصرخ واقول دمكم لازم يرجع يا مسيحيين
بس احنا مش زيكم مجرمين

احنا بيسوعنا مؤمنين
لانه مش هيسيبنا مهزومين
انتم مش بني ادمين

انتم للدم عطشانين
بالكره ناحيتنا مغلولين
قدام ايمانا مشلولين

ابدا مش هتهزمونا
احنا زي الحديد مش بيلين

+++++++

منقوووول