تأملات الساحر المجهول(ايه اللى جابنى هنا)

زماااااان كان فى ساحر (الساحر المجهول) وسموا كده علشان محدش يعرفه لحد دلوقت!!

ايوه متستغربوووش (محدش يعرفه لحد دلوقت ولا حد يعرف مكانه)

ملخص قصه الساحر:
كان عايش فى بلده وسط اهله وناسه بس فى يوم قرر يطلع رحله هو واصدقائه لبلد معينه
وركبوا مركب السفر ومشيوا فى البحر بيه
وبعد مرور ايام على رحلته فى البحر.................(المركب تاه!!!!!)ايوه المركب تاه
وهاج البحر عليهم وانقلب مركب الرحله
اما الساحر فبعد صراعه فى البحر مع الامواج وصل (لجزيره)
الجزيره دى بعيييييييييييييييييده ومحدش يعرف عنها حاجه..ولا هو نفسه كان عارف اسم الجزيره دى ايه
فقرر يسميها (الجزيره المجهوله)
وفى وسط وحدته قرر يكتب رسايل للناس ويبعتها فى زجاجات مغلقه عن طريق البحر
والرساله اللى يبعتها هى ونصيبها تروح البلد اللى الموج يوصلها عندها
وفى بلد الشطبى وصلت الرساله دى


الساحر يستجوب عقله
---------------------------

الساحر ينظر للسماء ويقول: ايه ده انا فييييييييين!!

يرد عليه صوت: يعنى مش عارف؟

الساحر: ايه ده انت مين!

الصوت: انا.......انت مش عارفنى؟

الساحر: لا مش عارفك

الصوت: انا صديق وحدتك

الساحر: صديق وحدتى!!

الصوت: ايوه اللى دايما لما تبقى لوحدك بتقعد تكلمنى وتاخد رأيى

الساحر: رأيك؟؟؟؟!!!!

الصوت: انا عقلك.............عقلك.............عرفتنى ولا لسه؟

الساحر: عقلى؟ يعنى ممكن تجاوبنى على شويه اسأله محيرانى؟

العقل: اكيد .. امال انا فايدتى ايه!

الساحر: ايه اللى جابنى هنا؟

العقل: انت

الساحر: انا!!

العقل: ايوه انت...هو مش انت اللى كنت سايق المركب؟؟ مركب رحلتك

الساحر: ايوه..بس انا مكنش قصدى اجى هنا انا كنت رايح لمكان انا عارفه

العقل: مكان انت عارفه؟؟ طب ايه اللى خلاك تقود انت المركب؟

الساحر: كان لازم اقودها انا...(لانى انا اللى عارف الطريق)

العقل: معقوووووول.؟؟عارف الطريق اكتر من قبطان المركب؟

الساحر: ايوه وانا كنت قربت اوصل للمكان اللى انا عايزه..بس لولا الصخره الملعونه (الخطيه) اللى قلبت المركب وغرقته

العقل: طب ما القبطان قالك مينفعش انت تقود مركبك

الساحر: ازاااااى ده انت حتى بتقول فيها (مركبك) !! يعنى بتاعتى انا

العقل: ايوه بتاعتك بس كل واحد على المركب وكان ليه عمله.. والقبطان كان عمله انه:يقود المركب

الساحر:طب وانا والقبطان ايه؟ مانا عارف الطريق و هو كمان عارفه

العقل: لا بس القبطان يعرف حاجات اكتر منك لان دى شغلته (انه يقود المركب)

الساحر: حاجات؟؟

العقل: ايوه انت نسيت لما طلبت منه انك انت اللى تقود المركب قاللك ايه؟

الساحره: مش فاكر !!

العقل: بس انا بقى فاكر

الساحر: طب فكرنى

العقل: قاللك انا مش هاقدر ارفض طلبك (انا عايز اقود المركب) لانها مركبك انت وانت حر فيها
بس كل اللى اقدر اقولهوللك خلى باللك

الساحر: اخلى بالى؟؟

القبطان: ايوه خلى باللك.............فى انواع من الصخر(الخطايا) بيبقى وسط البحر

الساحر: صخر؟

القبطان: للاسف فى نوع محدش يقدر يشوفه عشان كده بيقلب مراكب كتييييير ويحطمها..النوع ده اسمه (الصخره الملعونه) .. عشان كده انا بترجاك ان انا اللى اقودللك مركبك

الساحر: لا ماتخفش انا هاعرف افرق من الميه العاديه والصخره الملعونه(الخطيه) اللى انت بتقول عليها دى

العقل: ها افتكرت ولا لسه؟

الساحر: افتكرت افتكرت

العقل:شوفت ازاى انت اللى جبت نفسك هنا؟

الساحر: بس القبطان بردو غلطان

العقل: غلطان....!!

الساحر: ايوه........ده مقليش حتى نقودها انا وانت!!

العقل: بردو كانت هاتغرق!

الساحر: هاتغرق!!!

العقل: ايوه هاتغرق.......لان المركب ام رايسيين بتغرق

الساحر: ازاى بسس

العقل:من غير ازاى..يعنى انت عايز تفهمنى انك وانت بتقود المركب لو جاللك القبطان قاللك غير اتجاه المركب وارجع دى الحته دى خطره...(هاتثق فيه وفى كلامه؟؟) بالرغم من انك شايف ان فى الحته دى الميه هاديه ومفيش رياح ولا امواج!

الساحر:امممممممم عندك حق

العقل: بس متقلقش شوفت القبطان قاللك ايه اثناء المركب ما كانت بتغرق؟ قالك : ماتخفش حاول توصل لاى جزيره قريبه لو توهنا من بعض متقلقش مهما بعدت هاجيللك وانقزك... انا هارجع البلد تانى وهاجيبللك مركب جديد وهاجى اخدك فيه

الساحر: يااااااااااااااااااااااااااااااااااااااااااااااااااااااه قد ايه القبطان كان عليا حنين!!...طب وانا هاعمل ايه لحد لما يجى القبطان؟

العقل: كل اللى انا عايزك تعمله : انك تخليك واثق ان مهما المسافه بعدت بينك وبينه هايقدر يوصللك وياخدك من الجزيره دى وينقزك من الضياع ده

الساحر: انا واثق انه هايجى وياخدنى وسعتها هاتأسفله وهاسيبله المركب يعمل فيها اللى هو عايزه لانه فاهم شغلته(انه يقود المركب لبر الامان)
ولحد لما يجى القبطان انا هاقعد هنا ع الجزيره المجهوله دى ابعت فى رسايل فى زجاجات وارميها فى البحر وفى كل رساله هاكتب اخرها
انا اسف يا قبطان
لعلها تصل يوما ليد القبطان


انتظروا الرساله القادمه من الساحر المجهول
[u]totti[/u]